नेकपा एमालेले चैत २९ मा धनगढीमा बिशेष सभा गर्ने

राजनीति

Home
राजनीति
नेकपा एमालेले चैत २९ मा धनगढीमा बिशेष सभा गर्ने

नेकपा एमालेले चैत २९ मा धनगढीमा बिशेष सभा गर्ने

नेपाल कम्युनिष्ट पार्टी (नेकपा एमाले)ले यहि चैत २९ गते धनगढीमा बृहत विशेष सभा आयोजना गर्ने भएको छ । पार्टीक केन्द्रीय कमिटीको आह्रवानमा सुदूरपश्चिम प्रदेश कमिटीले उक्त सभा आयोजना गर्न लागेको हो ।
लोकतान्त्रिक गणतन्त्रको संस्थागत विकास, संविधानको रक्षा, पछिल्लो समय देखिएका संविधान विरोधी, अराजकता गतिविधी र जनतामा पार्न खोजेको भ्रमका विरुद्ध सभा आयोजना गर्न लागिएको नेकपा एमालेका केन्द्रीय कमिटी सचिव तथा सुदूरपश्चिम प्रदेश ईचार्ज लेखराज भट्टले बताउनुभयोे ।
नेकपा एमालेले विगत लामो समयदेखि विभिन्न कार्यक्रमहरु लिएर निन्तर रुपमा जनतासम्म पुग्ने गरेको छ । ग्रासरुट अभियान, पश्चिमको झुलाघाटदेखि पूर्वको चिवाभन्ज्याङ सम्मको संकल्प यात्रा पछी देशभर सञ्चालन गरिरहेको वडा केन्द्रित टोल अभियानको निरन्तरताका रुपमा कैलालीमा सभा आयोजना गर्न लागिएको पार्टीका प्रदेश ईचार्ज भट्टको भनाई छ ।
यस्तै सुदूरपश्चिमका कैलाली र कञ्चनपुर जिल्लाका साथै पहाडी जिल्लाहरुबाट समेत सक्दो बढी सहभागीता गराउने नेकपा एमालेका प्रदेश अध्यक्ष कृष्ण प्रसाद जैशीले बताउनुभयो । बिशेष सभामा दश हजार भन्दा बढीको सहभागीता गराउने लक्ष्य रहेको पनी अध्यक्ष जैसीको भनाई छ । उहाँले भन्नुभयो ।, ‘हाम्रो पार्टीले मिशन ८४ लाई लक्षित गर्दै विभिन्न कार्यक्रम गर्दै आईरहेको छ । अहिले टोल केन्द्रित वडा अभियान चलिरहेको छ, त्यसै अभियान अन्र्तगत यो सभा आयोजना हुँदैछ ।’ यही चैत २९ गते धनगढीको पार्कमोडमा आयोजना हुने विशेष सभालाई एमालेका शीर्ष नेताहरुले सम्बोधन गर्ने कार्यक्रम तय भएको छ ।
पार्टीले यस सभालाई सुदूरपश्चिममा शक्ति प्रदर्शनसहित जनचेतना अभिवृद्धिका रुपमा लिएको नेकपा एमालेले जनाएको छ । उक्त कार्यक्रम सफल पार्न र सभामा हजारौं मान्छे उतार्ने बिशेष तयारी समेत भईरहेको नेकपा एमालेले जनाएको छ । उक्त कार्यक्रम सफल पार्न पार्टीका सबै तह तथा सबै जनवर्गीय संगठनहरुलाई समेत आफ्नो क्षेत्रबाट सक्दो सहयोगको लागी नेकपा एमाले सूदूरपश्चिम प्रदेशले अपिल समेत गरेको छ ।

प्रकाशित मिति: शनिबार, चैत २३, २०८१ २२:२७

प्रतिक्रिया दिनुहोस्